Matapos hagupitin ng Bagyong Basyang ang Mariveles ay bumulaga sa mga residente ng Barangay Poblacion partikular na ang mga taga- Roman Blvd. at Bonifacio Street ang mga barko at barge sa kanilang dalampasigan. Isang eksena na hindi mo lubos na aakalain. Nagmistulang port ang tabing dagat ng Roman Blvd. hanggang De Guzman Blvd. Nagka patong patong at nagkabanggaan sa tabing dagat ang mga higanteng barko at barge. Kahindik-hindik ang hitsura ng mga barko na animoy pinaglaruan at pinalubog ng hangin na dala ni Bagyong Basyang. Ayon sa report ng TV Patrol (ABS-CBN) Domino effect ang nangyari kung bakit humantong sa ganitong sitwasyon ang mga sasakyang pandagat na ito,Unang bumigay ang angkla ng isang malaking barko at bumangga ito sa iba pang barko na naka-angkorahe din sa laot, at dito na nagkabanggaan ang lahat nagresulta para itaboy sila ng napakalakas na hangin sa pampang. Bunsod ng pangyayaring ito ay umabot na sa labing-apat ang natagpuang bangkay na pawang mga mangingisda na sakay ng maliliit na fishing boat. Lima pa ang hindi natatagpuan. Ayon sa mga residente ng Mariveles, ito na raw ang pinakamatinding trahedya na nangyari sa kanilang bayan.
No comments:
Post a Comment